હિન્દ ન્યુઝનાં તંત્રી ડો. સીમાબેન પટેલને આમ આદમી પાર્ટી કાર્યકર દયા મકવાણા દ્વારા આધાર પુરાવા વગર કર્યા બદનામ

જામનગર જિલ્લાના કાલાવડ ખાતેથી ડો. સીમાબેન પટેલ દ્વારા હિન્દ ન્યુઝ સાપ્તાહિક અખબાર પ્રસિદ્ધ કરવામાં આવે છે. હિન્દુ ન્યુઝ અખબાર હંમેશા નિષ્પક્ષતાથી લોકપ્રશ્નોને વાચા આપતું અખબાર છે. ગત બે વર્ષ અગાઉ હિન્દ ન્યુઝ દ્વારા કાલાવડ નગરપાલિકા પ્રમુખ અજમલ ગઢવી ની લેન્ડ ગ્રેમ્બિંગ અંગેના સમાચાર પ્રસિદ્ધ કર્યા હતા ત્યારબાદ સળંગ ચાર અંકોમાં આ લેન્ડ ગ્રેમ્બિંગ અંગેના સમાચાર હિન્દ ન્યુઝમાં પ્રસિદ્ધ કર્યા બાદ પણ તંત્ર દ્વારા અજમલ ગઢવી વિરુદ્ધ કોઈ કાયદાકીય કરવામાં ન આવતા અને રાજકીય દબાણોથી આ સમગ્ર લેન્ડ ગ્રેમ્બિંગ નો મુદ્દા પર તંત્ર દ્વારા ભીનુ સંકેલી લેવામાં આવ્યું હતું

અત્રે અહીં ખાસ જણાવવાનું કે ગત થોડા દિવસ અગાઉ હિન્દ ન્યુઝ દ્વારા કાલાવડ નગરપાલિકા કર્મચારીઓ અને સરકારી અધિકારીઓના મેળાપીપણમાં પ્રધાનમંત્રી આવાસ યોજનામાં ભ્રષ્ટાચાર થતા હોવાના સમાચાર પ્રસિદ્ધ કરવામાં આવ્યા હતા અને આ સમાચાર હિન્દ ન્યુઝ ના કાલાવડ વોટ્સએપ ગ્રુપમાં શેર કરવામાં આવતા કાલાવડ રહેવાસી અને આમ આદમી પાર્ટી કાર્યકર દયા મકવાણા દ્વારા કોઈપણ આધાર પુરાવા વગર હિન્દ ન્યુઝ અખબાર ઉપર રાગદ્વેષ રાખી હિન્દ ન્યુઝ કાલાવડ ગ્રુપમાં લખ્યું હતું કે “લેન્ડ ગ્રેમ્બિંગ કરનાર અજમલ ગઢવી પાસે રૂપિયા લઈ સમાચારો છાપવાનું બંધ કરી દીધું હતું એમ પ્રધાનમંત્રી આવાસ યોજનામાં પણ રૂપિયા લઇ આ કોભાંડનાં સમાચારો પણ બંધ તો નહીં કરી દો ને?

શું અજમલ ગઢવીના લેન્ડ ગ્રેમ્બિંગ માં હિન્દ ન્યુઝ દ્વારા પૈસા લીધા હોવાનું દયા મકવાણા પાસે કોઈ આધાર પુરાવો છે ખરા ?

લોકતંત્રનો ચોથો સ્તંભ કહેવાતા પત્રકાર ડો. સીમાબેન પટેલને આધાર પુરાવાઓ વગર ખોટા બદનામ કરવાના હેતુથી આમ આદમી પાર્ટી કાર્યકર દયા મકવાણા દ્વારા જે ખોટા મેસેજ ગ્રુપમાં વાયરલ કરવામાં આવ્યો હતો તે અનુસંધાને આજરોજ જામનગર એસ.પી.ને લેખિતમાં ડો.સીમાબેન પટેલ અને પત્રકારો દ્વારા આવેદન આપવામાં આવ્યું હતું અને આવેદન દ્વારા ‘કાલાવડ આમ આદમી પાર્ટી કાર્યકર દયા મકવાણા ને હિન્દ ન્યુઝ અને હિન્દ ન્યુઝનાં તંત્રીશ્રી એવા ડો. સીમાબેન પટેલને ખોટી રીતે આધાર પુરાવા વગર બદનામ કરનાર આમ આદમી પાર્ટી દયા મકવાણા ને કાયદાકીય પગલા ભરી કડકમાં કડક સજા આપવામાં આવે એવી રજુઆત કરવામાં આવી હતી